Թուրքիայի հարավային Քոնյա նահանգի քրեական դատարանը վճռել է կալանավորել 16-ամյա ուսանողին երկրի նախագահ Ռեջեփ Թայիփ Էրդողանին վիրավորելու համար: Այս մասին հայտնում է Hurriyet թերթը:
Թերթի հաղորդմամբ՝ ուսանողը, որի անունը չի հրապարակվում, դեմոկրատական տրամադրվածությամբ երիտասարդության խմբի անունից մամուլի համար հայտարարություն է արել 1930թ. իսլամիստների ձեռքով սպանված թուրք սպայի հիշատակի արարողության ժամանակ: Հայտարարության մեջ Թուրքիայի ղեկավարությանն ուղղված կոռուպցիայի մեղադրանքներ են եղել: Ուսանողը ձերբակալվել է և տարվել դատախազություն հարցաքննության:
Ուսանողը չի ընդունել իր մեղքը՝ ասելով, որ չի ցանկացել ոչ ոքի վիրավորել և որևէ խմբավորման անդամ չէ՝ բացի սոցցանցերի խմբերից:
Թուրքիայի ՔՕ 299 հոդվածը երկրի նախագահին վիրավորելու համար նախատեսում է մինչև 4 տարվա ազատազրկում:
