Պակիստանյան «Ղուրանի ուղի» իսլամիստական կազմակերպության ղեկավար Թահիր Ուլ-Քադրին, ով իր բազմահազար կողմնակիցների հետ մտել էր մայրաքաղաք Իսլամաբադ և պահանջում էր լուծարել խորհրդարանը ու բարեփոխումներ սկսել, հինգշաբթի օրը կառավարության հետ համաձայնագիր է ստորագրել։ Մանրամասների մասին չի հաղորդվում։
Ինչպես հաղորդում է Geo News-ը, վարչապետ Ռաջա Պերվազ Աշրաֆը ստորագել է փաստաթղթի տակ։ Տեղեկատվության նախարարը նշել է, որ կողմերը համաձայնության են եկել փաստաթղթի բոլոր կետերի շուրջ։ Բանակցություններն ընթացել են ցուցարարների ճամբարի մոտ, որը նրանք գրավել էին երկուշաբթի օրը՝ խորհրդարանի դիմացի հրապարակում։
Ուլ-Քադրին բանակցություններից հետո դիմել է 50 000-անոց կողմնակիցների բանակին, որոնք ողջունել են նրան խանդավառությամբ։ Հավանակն է, որ դրանից հետո ցույցը կավարտվի։
Երկուշաբթի օրը Լահորից ցուցարարները մտել են Իսլամաբադ՝ իշխանություններից պահանջելով միջոցներ ձեռնարկել կոռուպցիայի և ահաբեկչության դեմ։ Ցուցարարները փորձել են ներխուժել խորհրդարանի շենք, իրավապահներն արցունքաբեր գազ են օգտագործել ցուցարարների դեմ, որոնք պատասխանել են քարերով։
Նախկին նախագահ Մուշարաֆն աջակցում է Ուլ-Քադրիին։ Որոշ ուժերի կարծիքով՝ Քադրին այն զինվորականների կողմից է, որոնք ուզում են գահընկեց անել նրկայիս իշխանություններին։ Ժողովրդի առաջնորդը հերքում է նման մեղադրանքները։
