Ռիհաննան, ով զարդարել է «Complex» ամսագրի շապիկը, պատմել է իր երաժշտության և սոցիալական կայքերի մասին: «Երբ ես ձայնագրում էի «Unapologetic» ալբոմը, իմ միակ նպատակը ճշմարտությունն էր: Այն ամենը, ինչի մասին երգում եմ, իրական է: Հենց այդ պատճառով է ալբոմն այդպիսի անվանում ստացել»:
Իսկ ահա «Diamonds» սինգլի ձայնագրման ժամանակ երգչուհին այլ զգացմունքներով է առաջնորդվել. «Ես այնքան ոգևորված և ոգեշնչված էի: Այդ երգը հուսադրում է ինձ, քանի որ ես հոգնել եմ սիրո մասին չար երգերից: Սերը անպայման բաժանում չէ: Այն կարող է քաղցր լինել: Այն կարող է նաև այսպիսին լինել. «Գրողը տանի: Մենք ադամանդներ ենք»:
«Դա ինքնահավանություն է, բայց ինչ արած, բոլորն են դա անում,- պատմել է երգչուհին «Instagram»-ի հետ ունեցած իր հարաբերությունների մասին:- Ես սիրում եմ լուսանկարվել: Ամեն մեկն իր տեսողական հետաքրքրությունն ունի: Այդ պատճառով էլ մարդիկ իրենք իրենց են լուսանկարում, քանի որ ուրիշը դժվար թե կարողանա լուսանկարել այն, ինչը քեզ պետք է»:
