Իսպանիայի ազգային հավաքականի գլխավոր մարզիչ Վիսենտե Դել Բոսկեն հայտարարեց, որ խաղացողների ընտրության ժամանակ ուշադրություն չի դարձնում, թե ֆուտբոլիստը որ ակումբի կազմում է հանդես գալիս.
«Ես երբեք ուշադրություն չեմ դարձրել, թե խաղացողը որ ակումբում է հանդես գալիս: Դա իմ՝ խաղացողների ընտրության ժամանակա որևէ նշանակություն չունի: Եթե ցանկանամ թիմ հրավիրել «Բարսելոնա»-ի 9 ֆուտբոլիստների, այդպես էլ կվարվեմ:
Ես երկար ժամանակ աշխատել եմ «Ռեալ»-ում և գիտեմ, թե ինչպիսի աշխատանքներ են կատարվում առաջատար ակումբներում, բայց կան խաղացողներ, որոնք գրանդերի կազմում չեն խաղում, բայց արժանի են հավաքական հրավիրվելուն»,- հայտարարեց Դել Բոսկեն:
Հիշեցնենք, որ վերջերս մասնագետն ուղևորվել էր Անգլիա և հետևում էր «Սուոնսի»-ի իսպանացի հարձակվող Միչուի խաղին:
