Պահանջարկի անկմանն ի պատասխան՝ Apple Inc. կորպորացիան որոշել է կրճատել iPhone 5-ի արտադրության էլեկտրոնային բաղադրիչների պատվերների ծավալը: Պահանջարկի անկումը պայմանավորված է Android օպերացիոն համակարգով սարքերի ցուցաբերած բարձր մրցակցությամբ: Այս մասին հայտնում է The Wall Street Journal-ը՝ հղում անելով իրավիճակին ծանոթ աղբյուրներին:
Apple-ը գրեթե կրկնակի կրճատել է iPhone 5-ի համար էկրանների մատակարարման պատվերը՝ այն ծավալի համեմատ, որը ընկերությունը ծրագրել էր գնել հունվար-մարտ շրջանում:
Պատվերների կրճատումը վերաբերում է նաև այլ բաղադրիչների:
iPhone 5-ի վաճառքը սկսվել էր դեկտեմբերին: Android-սմարթֆոնների նոր մոդելները տեխնիկական առանձնահատկություններով գերազանցում են iPhone-ին:
IDC վերլուծական ընկերության տվյալներով՝ 2012 թվականի երրորդ եռամսյակում սմարթֆոնների շուկայում Apple-ի մասնաբաժինը կազմել է 14.6 տոկոս:
