Հունվարի 4-ի երեկոյան «Էդեմ» ակումբի դիմաց՝ Թումանյան և Իսահակյան փողոցների խաչմերուկում, Վարդան Օսկանյանի որդին՝ Արման-Մինաս Օսկանյանը, իր երկու ընկերների հետ ծեծի է ենթարկել մի երիտասարդի՝ ջարդելով վերջինիս քիթը:
Տուժածին տեղափոխել են «Նաիրի» բժշկական կենտրոն, որտեղ վերջինս ոստիկանությանը հայտնել է, որ իրեն ծեծի են ենթարկել անհայտ անձինք:
Հունվարի 9-ին ոստիկանությունը հայտնաբերել է անհայտ անձանց, հրավիրել ոստիկանություն, որտեղ նրանք բացատրություն են տվել: Պարզվել է, որ տուժող երիտասարդը ծեծի է ենթարկվել հունվարի 4-ին Թումանյան և Իսահակյան փողոցների խաչմերուկում Արման-Մինաս Օսկանյանի և նրա երկու ընկերների կողմից
Ոստիկանությունում հաստատեցին տեղեկությունը։ Ընթանում է քննություն, այլ մանրամասներ հայտնի չեն:
Լուսանկարում՝ Վարդան Օսկանյանի որդիները՝ Արա Օսկանյանը և Արման-Մինաս Օսկանյանը:
Լուսանկարը՝ Արա Օսկանյանի Facebook-յան էջի:
