Երեքշաբթի օրը լիբանանա-սիրիական սահմանն անցնելիս ձերբակալվել են ԴԱԻՇ (Իրաքի և Շամի իսլամական պետություն) ծայրահեղական խմբավորման առաջնորդ Աբու Բաքր Ալ-Բաղդադիի կանանցից մեկն ու որդին: Լիբանանի իրավապահ մարմինների պաշտոնական ներկայացուցիչները հայտնում են, որ ձերբակալվածները տարվել են Բեյրութում Լիբանանի պաշտպանության նախարարություն, տեղեկացնում է լիբանանյան «Աս-Սաֆիր» թերթը:
Հաղորդվում է, որ գործողությունն իրականացվել է «արտասահմանյան հատուկ ծառայությունների» հետ համատեղ՝ կեղծ անձնագրերով սահմանը հատելու փորձի ժամանակ:
