«Հայ հեղինակներ» ՀԿ-ի գլխավոր տնօրեն Սուսաննա Ներսիսյանը անդրադարձավ վերջերս հեղինակային իրավունքների մասին ընդունված նոր օրենքի՝ կրիչներին պարտադիր դրոշմապիտակներ կպցնելու մասին օրենքին, որը ուժի մեջ է մտել մարտի 1-ից, այնինչ մինչ օրս կիրառություն չի ստացել, ինչը, ըստ Ներսիսյանի, մեխանիզմների բացակայության արդյունք է, դրոշմանիշերի պատրաստումը և վերահսկումը պատկանում է հարկային տեսչությանը, բայց մինչև օրս դրոշմանիշերը պատրաստ չեն, հետևաբար օրենքը չի գործում:
Սուսաննա Ներսիսյանը նշեց, որ վերջին 20 տարիների ընթացքում այս օրենքը երեք անգամ վերանայվել է: Այլ հարց է՝ սա լա՞վ է, թե՞ վատ, քանի որ օրենքը կա, բայց Սովետական Միության փլուզումից հետո ԱՊՀ երկրներում պիրատությունը շարունակվում է:
Օրինակ՝ վերջին օրենքը մասամբ վերացվել է Ռուսաստանում, Մոլդովայում, Ուկրանիայում:
Այսօր պիրատությունը, որը մեր շուկայի 90 տոկոսն է գրավում, այդ օրենքի կիրառության արդյունքում 20 տոկոսով նվազել է, իսկ Հայաստանի նման փոքր երկրում այն կարող է ավելի մեծ ցուցանիշներ արձանագրել, իհարկե՝ կիրառության դեպքում:
Ամեն դեպքում Սուսաննա Ներսիսյանն ասաց, որ մինչև մարտի 1-ը տրված ժամկետը իրատեսական չէր, հետևաբար ցանկալի կլիներ, որ ժամկետ տրվեր մինչև դեկտեմբերի 1-ը:
