OpenWorm-ի հետազոտողները կլոր որդի նյարդային համակարգի աշխատանքի առանցքային սկզբունքները կարողացել են տեղափոխել համակարգիչ: Ստացված մոդելը նրանք տեղադրել են Lego ռոբոտի վրա: Այս մասին Russia Today-ին տված հարցազրույցում հայտնել է նախագծի հեղինակ Թիմոթի Բասբիսը: Նրա խոսքով՝ ներկայում ռոբոտն իրեն դրսևորում է իսկական որդի նման՝ կանգ է առնում խոչընդոտի բախվելիս, արձագանքում հպմանը:
Գիտնականները ևս մեկ քայլ են արել արհեստական ինտելեկտի ստեղծման ճանապարհին: Նրանք ստեղծել են մտածող ռոբոտ: Գիտնականները Lego կոնստրուկտորից հավաքված մարմնում տեղադրել են նեյրոնային ցանց, որը նմանակում է կլոր որդի ուղեղը: Հետազոտողները կապ են հաստատել նեյրոնների միջև: Նախագծի հեղինակի խոսքով՝ այս փորձը ևս մեկ քայլ է դեպի թվային անմահության ուղի:
