Ռուսաստանի Դաշնության արտաքին գործերի նախարար Սերգեյ Լավրովը գաղտնի բանակցություններ է անցկացրել Իսրայելի վարչապետի խորհրդական Իսաակ Մոլհոյի հետ: Այդ հանդիպմանը քննարկվել է ԵՄ ծրագիրը մերձավորարևելյան կարգավորման վերաբերյալ: Մոլհոն կոչ է արել Լավրովին չաջակցել կարգավորման այդ նախագծին:
Իսրայելը ռուսական կողմին է տրամադրել կարգավորման նոր առաջարկներ: Մասնավորապես Մոսկվային խնդրել են հաջորդ շաբաթ կայանալիք «քառյակի հանդիպման» ժամանակ դեմ լինել ԵՄ տարբերակին, որը նախատեսում է վերականգնել Պաղեստինի պետություն 1967 թ. սահմաններով, երբ Իսրայելը վերջնականապես չէր օկուպացրել Պաղեստինը: Հանդիպումը տևել է մոտ մեկ ժամ: Հանդիպել են նաև Իսրայելի արտգործնախարարության խորհրդականը և ՌԴ ԱԳՆ-ի հատուկ ներկայացուցիչը Մերձավոր Արևելքում:
Հանդիպման արդյունքների մասին այլ մանրամասներ չեն հաղորդվում: