ՀՀԿ փոխնախագահ Ռազմիկ Զոհրաբյանը այսօր «Հայելի» ակումբում հայտարարեց, թե ընդդիմության բողոքները հաշվի առնվում են, բացի այդ, Սերժ Սարգսյանն ինքն էլ բարեփոխումներին ուղղված քայլեր է անում:
«Հո մենք Քադաֆին չենք». ասաց ԱԺ պատգամավորը:
Ըստ Զոհրաբյանի՝ ինքը ընդունում է պայքարի բոլոր ձևերը, կարևորը, որ դրա արդյունքում բախումներ չլինեն:
Զոհրաբյանը անդրադարձավ ՀԱԿ-ի վերջին հանրահավաքին և ասաց, որ ոստիկաններն ընդդիմության կողմն էին անցել, որպեսզի բախումներ չլինեն, ու թույլատրեցին հանրահավաքն անցկացնել Ազատության հրապարկում:
Ռազմիկ Զոհրաբյանը նշեց, որ Կոնգրեսը շատ ուժեղ կառույց է և կարողացավ կարճ ժամանակում կայանալ:
