Ոմանք հաճախ են նկատում, որ, քանի դեռ շրջապատող մարդիկ վայելում են իրեն երջանիկ հարաբերությունները, նրանք իրենց օրերը բացառապես միայնության մեջ են անցկացնում: Հնարավոր է, դրա պատճառը ԴՆԹ-ն է: Գիտնականները բացահայտել են «միայնության գենը» և պարզել են, որ այն կրողների 20%-ը միայնակ մնալու ավելի մեծ հնարավորություններ ունեն, քան մնացած մարդիկ, գրում է vesti.ru-ն:
Կարծիք կա, որ այդ գենը պատասխանատու է ուղեղում սերոտինի նվազման համար, որի պատճառով նման մարդկանց մոտ հարաբերությունները զուգընկերոջ համար հաճելի չեն: Միայնակների համար դժվար է նոր հարաբերություններ սկսել և առավել դժվար է հաղթահարել բաժանությունը:
Սակայն, միևնույն ժամանակ գիտնականները նշում են, որ իրենց կատարած ուսումնասիրությունը որոշակի կոնտեքստներում սոցիալական հարաբերությունների վերաբերյալ ապացույցներ չի տրամադրում: Որոշ փորձագետներ էլ գտնում են, որ եթե նույնիսկ գենը ազդում է հարաբերությունների վրա, ապա մեծամասամբ այդ ազդեցությունը չափազանց փոքր է:
«Ես գիտեմ, որ գենետիկական ժառանգականությունը որոշակի առումներով որոշում է մեր վարքագիծը,- մեկնաբանում է հարաբերությունների հարցերով փորձագետ Փեմ Սփյորը: -Սակայն մենք չենք կարող թույլ տալ մեր գեներին այդքան ուժեղ ազդել մեր կյանքի վրա. Յուրաքանչյուր մարդ ընտրության հնարավորություն ունի: Եթե ինչ որ մեկը ծանոթանալուց դժվարություններ է ունենում, դա չի նշանակում, որ նա չի կարող փոխել իր վարքագիծը և սովորել շփվել այլ մարդկանց հետ»:
