Ավստրալական Seven հեռուստաալիքի թղթակից Մայք Էյմորը Լոս Անջելեսում նոր սքեյթ-պարկի մասին ռեպորտաժ էր պատրաստում, սակայն նա հաշվի չի առել, որ երբ խոսքն էքստրեմալ մարզաձևերի մասին է, հարթակում կարող է ամեն ինչ պատահել: Սքեյթը պատահաբար «վայրէջք է կատարել» հաղորդավարի գլխին՝ հայտնում է Mirror-ը:
Տեսանյութում երևում է, թե ինչպես է հաղորդավարի մեջքի հետևում մարզվող սքեյթբորդիստներից մեկը հանկարծ կորցնում հավասարակշռությունը և ընկնում, իսկ նրա տախտակը շարունակում թռչել և ինչ-որ պահի հարվածում հաղորդավարի գլխին:
Բարեբախտաբար, ավելի ուշ պարզվել է, որ լրագրողը ընդամենը մի քանի կապտուկ է ստացել:
