BBC-ի հայտնի «Շերլոք» սերիալի համահեղինակ Մարկ Գետիսը Radio Times-ի հետ զրույցում ակնարկել է, որ հեռուստաշոուի չորրորդ եթերաշրջանում հանդիսատեսը պետք է «սպասի ողբերգության»:
«Դուք միշտ կարող եք սպասել ողբերգության կամ արկածի. այնպես է դա աշխատում»,- ասել է Գետիսը՝ հրաժարվելով մեկնաբանել ենթադրությունը, թե արդյոք նկատի ունի բժիշկ Վաթսոնի կնոջ՝ Մերիի մա՞հը, որին սերիալում մարմնավորում է Ամանդա Աբինգթոնը:
Նրա հետ Մարտին Ֆրիմերը երկարատև հարաբերություններ է ունեցել իրական կյանքում:
Անձամբ Ֆրիմենը ավելի վաղ The Daily Telegraph-ին տված հարցազրույցում ասել էր, որ Մերին վաղ թե ուշ կմահանա, քանի որ այդպես է Կոնան Դոյլի վեպերում:
Գետիսը այդ առնչությամբ նկատել է, որ գրական ստեղծագործության բոլոր իրադարձությունները չէ, որ պետք է ճշգրտորեն տեղի ունենան սերիալում:
