Մադրիդի «Ռեալ»-ի կիսապաշտպան Խաբի Ալոնսոն խոսել է թիմում տիրող մթնոլորտի մասին՝ անդրադառնալով Կասիլյասի շուրջ ստեղծված իրավիճակին:
«Ակումբը լիովին վստահում է թե´ Կասիլյասին, թե´ Ադանին: Վերջին խաղում Ադանի մոտ ուղղակի չստացվեց. նա կարմիր քարտ ստացավ:
Իկերը լավ հանդիպում անցկացրեց: Գոլային դրվագի ժամանակ նա հազիվ թե կարողանար ինչ-որ բան անել: Ով է մեր դարպասապահներից խաղալու առաջին կազմում՝ որոշում է մարզչական անձնակազմը: Միայն կարող եմ ասել, որ թե´ Կասիլյասը և թե´ Ադանն ունեն մեր լիարժեք վստահությունը:
Կարծում եմ՝ Կասիլյասի մոտ ամեն ինչ կարգին է: Այո´, վերջին շրջանում հայտնվում է պահեստայինների նստարանին, սակայն նա մարզվում է՝ նորից իր տեղը վերադարձնելու համար: Ինչ վերաբերում է նրա ու Մոուրինյոյի փոխհարաբերություններին, կարող եմ փաստել, որ ջերմ են ու հարգալից միմյանց նկատմամբ»,- ասել է Ալոնսոն:
