Եգիպտոսի նախագահ Մուհամմադ Մուրսին արաբական երկրների պաշտպանական դաշինքի ստեղծման կոչ է արել, որը կապված է արաբական պետությունների կողմից ավելի մեծ տնտեսական աջակցություն ձեռք բերելու` Մուրսիի ջանքերի հետ: Այս մասին հայտնում է Mehr գործակալությունը:
Մուրսին անակնկալ հայտարարություն է արել այն մասին, որ Պարսից ծոցի հարավային ափի պետությունների համար առկա է իրանական սպառնալիք, մինչդեռ Իրանը միշտ էլ ընկերական ձեռք է մեկնել իր հարևաններին և այլ երկրների: Հայտնի չէ, թե դրանով ինչ է ցանկացել ասել Մուրսին: Բացի այդ, Եգիպտոսը աշխարհաքաղաքական շահեր չունի Պարսից ծոցի տարածաշրջանում, և եթե ինչ-որ բան պատահի այնտեղ, ապա Կահիրեն երբեք չի դառնա մասնակից:
Այսպիսով՝ Մուրսին իր հայտարարությամբ ցանկացել է պարզապես քաջալերել Պարսից ծոցի արաբական պետություններին ավելի շատ գումար ներդնել Եգիպտոսի տնտեսության մեջ:
Վերլուծաբանների կարծիքով՝ ՆԱՏՕ-ի օրինակով արաբական երկրներից պաշտպանական դաշինք ստեղծելու Մուրսիի նախաձեռնությունը կձախողվի, քանի որ ոչ մի գաղափարական կապ չկա նոր Եգիպտոսի և Պարսից ծոցի արաբական միապետությունների միջև: Նախկինում ևս նման նախաձեռնությունները ձախողվել են:
Այսպիսով՝ Մուրսիի պաշտպանական դաշինքի նախաձեռնությունը պարզապես հերթական ռազմավարական քայլ է՝ համոզելու արաբ միապետներին բացելու իենց սնդուկները Եգիպտոսի տնտեսության առաջ:
