145 տարի առաջ այս օրը՝ 1869-ի նոյեմբերի 17-ին, Եգիպտոսի հյուսիս-արևելքում տեղի է ունեցել Միջերկրական և Կարմիր ծովերը կապող Սուեզի ջրանցքի բացման հանդիսավոր արարողությունը՝ նավագնացության համար: Ջրանցքով առաջինն անցել է «Էգլ» զբոսանավը, որում եղել են Ֆրանսիայի Եվգենյա կայսրուհին և ջրանցքի կառուցման գլխավոր ինժեները՝ ֆրանսիացի վիկոնտ Ֆերդինանդ Մարի դե Լեսեպսը:
Կառուցումը տևել է 11 տարի: Ջրանցքը ջրային տրանսպորտին թույլ տվեց անցնել Եվրոպայի և Ասիայի երկու կողմերով՝ առանց շրջանցելու Աֆրիկան: Այն զգալի նշանակություն ունեցավ համաշխարհային առևտրի վրա: