Հարավային Չինաստանի Անհոյ նահանգի բնակիչ, Հո մականունով մի նկարիչ մահապատժի է դատապարտվել, քանի որ 18 տարեկանից ցածր աղջիկների հետ շանտաժի միջոցով սեքսով է զբաղվել: Այս մասին հաղորդում է China.org.cn կայքը:
Չինաստանում հայտնի սոցիալական կայքի միջոցով 2005-2011թթ. Հոն ծանոթացել է մի շարք դպրոցական աղջիկների հետ և նրանց ուղարկել պոռնոգրաֆիկ բնույթի նյութեր:
Հերթական զոհի հետ ծանոթանալուց հետո Հոն նրան իր ստուդիա է հրավիրել կամ հյուրանոցում համար վարձել: Այնուհետև նա բռնաբարել է զոհին և տեսագրել, որն էլ օգտագործել է շանտաժի համար: Հոյի պրոֆեսիոնալ հմտությունները թույլ են տվել զոհի դեմքով, բայց մեկ այլ կնոջ մարմնով լուսանկարներ ստեղծել:
Նկարիչը սպառնացել է, որ այդ նկարները համացանցում կհայտնվեն, եթե աղջիկները բողոքեն իր դեմ ոստիկանությունում:
Հայտնի է, որ Հոյին զոհ են դարձել նաև այն աղջիկները, ովքեր նրա ստուդիայում գեղանկարչություն էին ուսումնասիրում: Հոյի փաստաբաններն արդեն բողոքարկել են դատավճիռը:
