«Դա հիշեցնում է «Դա Վինչիի կոդը». Նոր գրքում պնդում են, թե Հիսուսն ամուսնացել է Մարիամ Մագդաղենացու հետ, ու նրանք ունեցել են 2 երեխա», – գրում է The Sunday Times-ի թղթակից Ռիչարդ Բրուքսը:
Թեև դա կարող է դիտվել որպես բելետրիստիկա, «Կորուսյալ հրեշտակները» (The Lost Gospel), որը հրապարակվելու է այս ամիս, հիմնված է հնագույն ձեռագրի վրա, որը գտնվում է Բրիտանական գրադարանում, ասվում է հոդվածում:
«Դրա հեղինակներն են իսրայելա-կանադական գրող և ռեժիսոր Սիմխա Յակոբովիչին, որը մասնագիտացած է պատմական ու հնագիտական հետազոտությունների ոլորտում, ու Բարրի Ուիլսոնը, որը Յորքի համալսարանի կրոնի պրոֆեսոր է»,- ասվում է հոդվածում:
Վաղը Բրիտանական գրադարանում տեղի կունենա համաժողով, որի ընթացքում կհրապարակվեն նոր մանրամասներ, գրում է Բրուքսը:
Գրքում նկարագրված են նաև Հիսուսի ենթադրյալ կապերը Հռոմեական կայսրության բարձրաստիճան անձանց հետ, ինչպիսին է Տիբերիոս կայսրը:
Գիրքը հիմված է Զախարիա Ռիտորի «Եկեղեցական պատմություն» ձեռագրի վրա, որը Բրիտանական գրադարանը գնել էր 1847-ին:
