«Բացարձակ իրար հետ կապ չունեցող հարցադրումների մասին եք խոսում: Ավելին՝ հղիների, բազմազավակ ընտանիքների մասով կառավարության ծրագրերը եղել են ու կան և շարունակական բնույթ են կրելու: Ավելին՝ մեծանալու է աջակցությունը»,- լրագրողի դիտարկմանը, թե կառավարությունը 20 մլրդ դրամ է հատկացնում ԱԱԾ-ին՝ ռուսական զորքերին տրամադրելու համար, իսկ հղիների և բազմազավակ ընտանիքների համար ասում է, որ այդքան գումար չկա, պատասխանեց աշխատանքի և սոցիալական հարցերի նախարար Արտեմ Ասատրյանը:
Հարցին՝ արդյոք ճի՞շտ է Հայաստանի բյուջեի ներկայիս իրավիճակում 20 մլրդ դրամ տրամադրել ռուսական զորքերին, նախարարը նշեց. «Կարծում եմ՝ ազգային անվտանգության և ընդհանրապես երկրի պաշտպանության հետ կապված խնդիրները, բնականաբար, լուծումներ են պահանջում և պետք է լուծվեն»:
Իսկ արդյոք շռայլություն չէ՞ այլ երկրի զորքերին 20 մլրդ դրամի հատկացումը՝ հարցին էլ նախարարը արձագանքեց, որ այդ հարցը ճիշտ չի մեկնաբանվում, և հարկավոր է ավելի ուշադիր ծանոթանալ եզրակացության հետ:
