Հարավկորեացի ռեփեր Psy-ն 1.25 միլիոն դոլար արժողությամբ բնակարան է գնել Լոս Անջելեսում: Ինչպես հաղորդում է TMZ կայքը, երաժիշտն ամբողջ գումարը վճարել է կանխիկ:
Psy-ի բնակարանն ունի ավելի քան 250 քմ մակերես: Անշարժ գույքը տեղակայված է էլիտար Blair House 29 հարկանի տանը` Բևերլի Հիլզի մոտակայքում:
TMZ-ը տեղեկացնում է, որ ռեփերը գործարքը կնքելու է եկել թիկնապահներով և ցանկացել է, որ այն գաղտնի մնա:
Նշենք, որ ռեփերի Gangnam Style երգի տեսահոլովակը YouTube-ում ունի ավելի քան 1.1 միլիարդ դիտում: 2012թ. սեպտեմբերին Gangnam Style-ը հայտնվել է Գինեսի ռեկորդների գրքում` որպես ամենաշատ «լայքեր» ստացած տեսահոլովակ: Այդ ժամանակ տեսահոլովակն ունեցել է շուրջ 2 միլիոն «լայք», իսկ հունվարի 4-ի դրությամբ` ավելի քան 6.5 միլիոն:
