Բելգիացի լրագրողները պնդում են, որ իրենք Նեշեն գյուղի «Ամիտյե» («Ընկերություն») սրճարանում հսկողություն են սահմանել, բայց այդ ամենի «մեղավորն» առայժմ չի մտել սրճարան՝ չնայած նրա ստորագրությամբ լուսանկարը կախված է բարի հետևում: Այս մասին հայտնում է Korrespondent.net-ը:
Դեպարդյեի կյանքը Նեշենում արդեն լեգենդի է վերածվել` գրում է հրատարակությունը՝ ավելացնելով, որ ինչ-որ մեկը, իբր, տեսել է դերասանին տեղի խանութ մտնելիս:
Սրճարանի երիտասարդ մի հաճախորդ, հղում անելով անհայտ աղբյուրների, հայտնել է, որ Դեպարդյեն, իբր, մտել է աղավնաբույծների և տեղի սպորտային ակումբներ:
«Վստահեցնում եմ ձեզ, որ եթե նա մտնի այստեղ, ես ջերմորեն կգրկեմ նրան: Վերջին հաշվով` մենք կծանոթանանք. նա էլ բոլորի նման մարդ է»,- շարունակել է նա:
Հիշեցնենք՝ Ռուսաստանի նախագահ Վլադիմիր Պուտինը հունվարի 3-ին ստորագրել է Դեպարդյեի՝ Ռուսաստանի քաղաքացիություն ստանալու մասին փաստաթուղթը:
Ֆրանսիայի իշխանությունները հրաժարվել են մեկնաբանել այդ իրողությունը՝ նշելով միայն, որ դա «Ռուսաստանի ղեկավարի ընտրությունն է»:
