Ջենիֆեր Լոպես
Ջենիֆեր Լոպեսը որոշել է 2012-ը եզրափակել Dance Again շրջագայության ավարտով, 2013-ը սկսել է ամերիկյան Harper’s Bazaar-ի էջերին, որոնք հետաքրքրությամբ թերթել է Mickey-Mouse-ի բլոգերը:
Արևով ողողված լուսանկարներում 43-ամյա Ջեյ Լոն շագանակագույն մազերով է, «տիեզերական» բոկոտիկներով ու ոչ պակաս «տիեզերական», սեքսուալ հագուստներով Paco Rabanne-ից և Fendi-ից, հայտնում է spletnik.ru-ն:
Հակասական Ջեյ Լոն խոստովանում է, որ կարոտում է տունը, ժպիտով կարդում է տնային աշխատողի հաղորդագրությունները, բայց ոչինչ չի կարող անել. իր ամբողջ կյանքը ճամփորդություն է:
Ճամփորդությունների մասին.
Ինձ դուր է գալիս հենց ճամփորդությունների գաղափարը՝ միշտ և ցանկացած ժամանակ լավ տեսք ունենալ: Ես փորձում եմ դա հնարավորինս պարզ անել, բայց դրա հետ մեկտեղ չեմ մոռանում գեղեցկության մասին, որովհետև իմ կյանքը շատ հագեցած է: Ուստի ես հավաքում եմ ճամպրուկս, հարդարվում եմ կամ երեխաների համար սանրվածքներ անում, նրանց համար հագուստ ընտրում, իմացե՛ք, հենց դրանում է մեր կյանքի գեղեցկությունը: Դրանում էլեգանտ մի բան կա:
Կարիերայի մասին
Ես երգչուհի եմ: Պարուհի: Արտիստ: Դերասանուհի: Հենց սրան եմ ես մտադիր նվիրել իմ կյանքը: Իմ արվեստն ինձ ավելի լավն է դարձնում որպես մարդ ու որպես մայր:
Հանրահայտ Versace զմրուխտե զգեստի մասին
Ես այն տանն եմ պահում: Բառացիորեն օրերս իմ տնային աշխատողը հագուստը հագցրել է մանեկենին իմ ՍՊԱ-ում, այնտեղ, որտեղ ես հարդարում եմ մազերս ու շպարվում: Եվ ինձ լուսանկարն է ուղարկել: Նա դա ճաշակով է արել:
