Ֆրանսիական կինեմատոգրաֆիայի լեգենդ և կենդանիների պաշտպան Բրիջիդ Բարդոն պատրաստվում է դիմել Ռուսաստանի քաղաքացիություն ստանալու համար, եթե Լիոնի կենդանաբանական այգու ղեկավարությունը որոշի քնեցնել թոքախտով հիվանդ երկու փղերին: Այս մասին հաղորդում է ITAR-TASS-ը՝ վկայակոչելով դերասանուհու հիմնադրամը:
Դերասանուհու խոսքերով՝ նման քայլի իրեն դրդել է կենդանիների պաշտպանության հարցում երկրի իշխանությունների անգործությունը:
«Ես կխնդրեմ ինձ տրամադրել Ռուսաստանի քաղաքացիություն, որպեսզի փախչեմ այս երկրից, որը վերածվել է կենդանիների գերեզմանատան»,- ասել է Բարդոն:
Հիշեցնենք. ավելի վաղ հաղորդվում էր, որ Ռուսաստանի քաղաքացիություն է ստացել ֆրանսիացի դերասան Ժերար Դեպարդիեն:
