Մասնագիտական կողմնորոշման ուղղությամբ աշխատող CareerCast.com կայքը կազմել է ամենածանր և լարված մասնագիտությունների վարկանիշային աղյուսակը, որում առաջին տեղերը զբաղեցրել են զինվորականները:
Վարկանիշային աղյուսակի հեղինակները մասնագիտությունները գնահատել են ըստ 11 գործոնների, որոնք պահանջում են սթրեսի դեմ դիմացկունություն, գործնական այցերի քանակ, աճի պոտենցիալ, հրատապություն, հանրային վայրերում աշխատանք, մրցունակությունը պահպանելու անհրաժեշտություն, ֆիզիկական կառուցվածքի նկատմամբ պահանջներ, շրջակա միջավայրի պայմաններ, պատահական ռիսկեր, սեփական կյանքի նկատմամբ սպառնալիքներ, ուրիշների կյանքի նկատմամբ պատասխանատվություն, հանրության նկատմամբ հսկողություն:
Վարկանիշային աղյուսակի առաջին հորիզոնականում հայտնվել են շարքային և սերժանտական կազմի զինծառայողները, երկրորդում գեներալական անձնակազմն է: Երրորդ հորիզոնականը բաժին է ընկել հրշեջներին: Հնգյակը եզրափակում են քաղաքացիական ավիաուղիների օդաչուները և հանրային հարաբերությունների ոլորտի թոփ մենեջերները: Վարկանիշային աղյուսակում հայտնվել են նաև բարձրաստիճան կառավարիչները, ֆոտոլրագրողները, թերթի թղթակիցները, տաքսիստները և ոստիկանները:
CareerCast.com-ը հրապարակել է նաև առավել քիչ լարված մասնագիտությունների վարկանիշային աղյուսակը: Դրանում ներկայացված են աճի բարձր պոտենցիալ, առողջության համար ցածր ռիսկ և բավական բարձր աշխատավարձ ունեցող մասնագիտությունները: Աղյուսակում առաջին հորիզոնականը զբաղեցրել են համալսարանի դասախոսները, երկրորդում դերձակներն են, երրորդում` բժշկական վիճակագիրները: Հնգյակը եզրափակում են ոսկեգործները և բժիշկ-լաբորանտները: Տասնյակում են հայտնվել նաև աուդիոլոգները, դիետոլոգները, վարսավիրները, գրադարանավարները, հաստոցների օպերատորները:
Երկու վարկանիշային աղյուսակներն էլ իրենց մեջ ներառում են 1995թ.-ից հայտնի լավագույն և վատագույն մասնագիտությունները:
