Շվեդ գիտնականների ուսումնասիրությունը կասկածի տակ է դնում կաթի օգտակարությունը: Սակայն դրա հեղինակները կոչ են անում զգուշորեն վերաբերվել իրենց ուսումնասիրությանը, գրում է direct-press.ru-ն:
Ուսումնասիրությանը կամավորների երկու խումբ է մասնակցել: Դրանցից մեկում ներառված են եղել 39-74 տարեկան 60 հազար կանայք, ովքեր պատասխանել են կենսակերպի և սովորական սննդակարգի վերաբերյալ հարցերին: Մյուս խումբը կազմված է եղել 45-79 տարեկան 45 հազար տղամարդկանցից: Հաշվի է առնվել ամեն օր խմվող կաթի քանակը՝ մեկ բաժակից քիչ, 1-2 բաժակ, 2-3 բաժակ, 3-ից ավել բաժակ: Հաշվի է առնվել նաև օգտագործված այլ կաթնամթերքի քանակը:
Գիտնականների նպատակն է եղել պարզել օգտագործված կաթի քանակի և կոտրվածքների հաճախականության միջև կապը: Ստացված արդյունքները առաջին հայացքից չեն համապատասխանում կաթի օգտակարության մասին արդեն իսկ ընդունված կարծիքներին, քանի որ երեք բաժակից ավելի կաթ խմողների դեպքում կոտրվածքներ ավելի հաճախ են գրանցվել:
Շվեդ գիտնականների կարծիքով՝ կաթի բացասական ազդեցությունը կարելի է բացատրել դրանում առկա հատուկ շաքարներով, որոնք կարող են արագացնել հյուսվածքների ծերացումը: Դա ապացուցվել է մկների վրա կատարված հետազոտություններով:
