Կենտրոն և Նորք-Մարաշ վարչական շրջանների ընդհանուր իրավասության դատարանում Մեսրոպ Մակյանի նախագահությամբ սկսվում է Նիկոլայ Իվանյանի գործի դատական քննությունը:
Ըստ մեղադրանքի՝ 53-ամյա Նիկոլայ Իվանյանը իրացնելու նպատակով ձեռք է բերել 17 հատ ամսագրեր, որոնցում «կոպիտ, գռեհիկ, նատուրալիստական ձևով մանրակրկիտորեն ցույց են տրվում սեռական ակտի անատոմիական, ֆիզիոլոգիական մանրամասները»:
Ամսագրերից մեկը Իվանյանը 2014 թվականի հունիսի 7-ի կեսօրին «Վերնիսաժում» ապօրինի կերպով վաճառել է Վաչագան Խ.-ին:
Նիկոլայ Իվանյանին մեղադրանք է առաջադրվել ՀՀ քրեական օրենսգրքի 263 հոդվածի 1-ին մասով:
Իվանյանի խափանման միջոցը ստորագրությունն է չհեռանալու մասին:
Իրեղեն ապացույց ճանաչված պոռնկագրական ամսագրերը «փաթեթավորված ու կնիքված վիճակում» կցված են քրեական գործին: