2013-ին Aston Martin-ը նշում է իր մեկդարյա հոբելյանը: Տոնակատարություններ տեղի կունենան տարբեր մայրցամաքներում հունվարի 15-ից՝ ընկերության հիմնադրման ամսաթվից սկսած: Այդ օրը Aston Martin-ի նախկին «տանը»՝ Henniker Mews-ում Chelsea թաղամասում տեղի կունենա ֆոտոշարքի նկարահանում ամենահին պահպանված Aston Martin-ի՝ A3 մոդելի և նոր Սուպեր-GT Vanquish-ի մասնակցությամբ, նաև՝ հուշատախտակի բացում:
Նույն օրը երեկոյան Լոնդոնի կենտրոնում կանցկացվի Aston Martin-ի պատմության մասին դասախոսություն, որին կմասնակցի դերասան Սըր Ջոն Սթենդինգը:
Հուլիսի 15-21-ն Aston Martin-ը Centenary Week անվանմամբ շաբաթ կանցկացնի հատուկ ապրանքանիշի սիրահարների համար:
Հուլիսի 20-ին կկազմակերպվի Birthsday party-ն 1000 հյուրի համար, իսկ հուլիսի 21-ին Լոնդոնի կենտրոնում կբացվի Centenary Concours-ը:
Aston Martin Heritage Trust-ի և Aston Martin Owners Club-ի հետ համատեղ կցուցադրվեն լեգենդար բրիտանական բրենդի հանրահայտ դասական մոդելները:
2013-ին Aston Martin-ը կկազմակերպի Best of British On Tour անվամբ երկու իրադարձություն: Առաջինը տեղի կունենա հուլիսի 15-21-ը Անգլիայի և Ուելսի լավագույն ճանապարհներով և կավարտվի Լոնդոն՝ Centenary Concours-ին ժամանելով:
Երկրորդը կսկսվի հուլիսի 21-ին և կտևի մինչև հուլիսի 27-ը՝ շոտլանդական կղզիների ճանապարհներով:
Բրենդի օվկիանոսից այն կողմի երկրպագուների համար կբացվի նաև West Coast Tour-ը, որը կավարտվի Pebble Beach-ում օգոստոսի 16-ին, հայտնում է rosbalt.ru-ն:
