«Շատ ճիշտ և օբյեկտիվ էր կազմվել մեր լավագույն մարզիկների տասնյակը, ճիշտ էր տրվել գնահատականը: Մեր հավաքականի համար մեծ հաղթանակներ էին արծաթե և բրոնզե մեդալները: Ճիշտ է, մեդալների քանակը քիչ է, բայց ուրախալի է, որ արծաթե մեդալ նվաճեցինք: Բավարար եմ գնահատում տարին»,- 1in.am Sport-ի հետ զրույցում ասաց Հայաստանի հունահռոմեական ոճի լավագույն ըմբիշներից մեկը` 55 կգ քաշային Ռոման Ամոյանը:
«2013 թվականը սկսվում է միջազգային մրցաշարերով: Շատ ծանրաբեռնված տարի է լինելու մեզ համար: Առաջին լուրջ մրցաշարը Եվրոպայի առաջնությունն է` մարտին, Թբիլիսիում, իսկ Աշխարհի առաջնությունը կայանալու է սեպտեմբերին` Հունգարիայում: Հուսով եմ, որ լավ տարի կլինի:
Ամանորն իմ սիրելի տոներից մեկն է: Սիրում եմ ընտանեկան տոները: Հայաստանում եմ լինելու: Ընտանիքիս անդամների համար անակնկալներ եմ պատրաստել, բայց չակերտները չեմ ցանկանում բացել:
Մեր ազգին մաղթում եմ առողջություն, երջանկություն: Թող միշտ ժպտան, քանի որ այն շատ է անհրաժեշտ մեզ: Մարզիկներին ցանկանում եմ բազում մեդալներ, լավ նվաճումներ և թող վնասվածքներից հեռու լինեն»:
