Փորթլենդում (Օրեգոն նահանգ) մորուքավորների ու բեղավորների միջև անցկացվել է աշխարհի առաջնություն՝ գրում է The Daily Mail-ը:
Մրցույթին մասնակցել է մոտ 300 մարդ՝ 9 երկրներից: Հաղթողները որոշվել են 17 անվանակարգերում:
Ժյուրիի կազմում էին 5 փորձագետներ, այդ թվում՝ «Միսս Օրեգոն-2014»-ը: Հանձնաժողովի անդամները մրցանակակիրներին ընտրել են այն սկզբունքով, թե որքանով են մորուքն ու բեղերը ընդգծել մրցույթի մասնակցի ոճն ու անհատականությունը՝ ասվում է հոդվածում:
Գլխավոր հաղթողը դարձել է տեղացի Մեդիսոն Ռոուլին, որը 2015-ին կուղևորվի Ավստրիա՝ մասնակցելու հաջորդ մրցությանը:
