Երգիչ Վարդան Բադալյանի համար 2012-ը հաջողված տարի է եղել: Չնայած խոստովանում է, որ եթերում շատ չի երևացել, բայց կարողացել է արդյունավետ աշխատել:
Ձայնասկավառակ է ձայնագրել Հայաստան-Էրզրում գործիքների նվագախմբի հետ, որը 2013 թվականին կհանձնվի հանդիսատեսի դատին: Նրա խոսքով՝ ծավալուն գործ է, նվագախմբով, և սպասում է հանդիսատեսի արձագանքին:
«2012-ին տղա ունեցա, ինչը շատ ավելի կարևոր է»,- նշեց երգիչը:
Այս տարի նախորդ տարիների համեմատությամբ ամենաշատ համերգներն ունեցել է արտասահմանում՝ Ռուսաստանի 30 քաղաքներում, Բեյրութում և այլն:
Սակայն ոչ թե մենահամերգ է եղել, այլ վեց հոգով են համերգներ տվել, եղել են մոտ 30 քաղաքում: Ընդհանուր առմամբ հաջողված տարի է համարում:
2013-ին ցանկանում է 2012-ի իրականացրածի պտուղները քաղել և մաղթում է, որ շատ երեխաներ ծնվեն:
