Վրացական Interpressnews.ge կայքի հաղորդմամբ, այսօր երկօրյա այցով Վրաստան է ժամանում Շվեդիայի արտգործնախարար Կառլ Բիլդտը:
Երկուշաբթի օրը Վրաստանի փոխարտգործնախարար Նինո Քալանդաձեն հայտարարել էր, որ Բիլդտը հանդիպում է ունենալու վրացական կառավարության անդամների հետ.
«Մենք ջերմ հարաբերություններ ենք պահպանում Շվեդիայի հետ, և հուսով ենք, որ այսուհետ նույնպես այդպես կլինի: Բիլդտի վրացական այցը միտված է հենց դրան»:
Նշվում է, որ Բիլդտը նաև հանդիպումներ է ունենալու Վրաստանի նախագահի, խորհրդարանի խոսնակի, վարչապետի, անվտանգության խորհրդի քարտուղարի, արդարադատության նախարարի և արտգործնախարարի հետ:
