Հնդկաստանում մեղադրանք է ներկայացվել վեց բռնաբարողների նկատմամբ, ում զոհը մահացել է շաբաթ՝ 13 օր հիվանդանոցում մնալուց հետո: Այս մասին հաղորդում է Associated Press-ը:
Նյու Դելիի ոստիկանությունում հայտնել են, որ վեց մեղադրյալներին մահապատիժ է սպառնում: Հենց այսպիսի դատավճիռ են պահանջել ցույցերի մասնակիցները, որոնց պայքարի մի ամբողջ շղթա անցել է Հնդկաստանի ողջ տարածքով մեկ:
Այսօր՝ ավելի վաղ, իշխանությունները վախենալով նոր անկարգություններից փակել են Նյու Դելիի հրապարակը: Փակվել են մետրոյի 10 կայարաններ, կենտրոնում կանգնեցվել է երթևեկությունը:
Չորեքշաբթի Հնդկաստանի կառավարությունը հավելյալ հետաքննություն էր նշանակել ավտոբուսում 23-ամյա ուսանողուհու բռնաբարության համար:
Անցած ուրբաթ իշխանությունները հայտարարել են լայնամասշտաբ ակցիայի մասին, որը կոչված է եղել պաշտպանել հնդիկ կանանց:
Ամբողջ աշխարհում սեռական բնույթի հանցագործություններ ամենից շատ տեղի են ունենում Նյու Դելիում: Ոստիկանության տվյալներով՝ բռնաբարությունների մասին այստեղ հայտնում են ամեն 18 ժամը մեկ:
