ՄԱԿ-ի գլխավոր քարտուղար Պան Գի Մունը նախագահելու է Սիրիայում մարդասիրական ջանքերի երկիր դոնորների համագումարը, որը կայանալու է հունվարի 30-ին Քուվեյթում: Ինչպես հաղորդում է ITAR-TASS-ը, այս մասին հայտարարել է միջազգային հանրության վարչական ղեկավարի ներկայացուցիչ Մարտին Նեսիրկեն:
«2013թ. հունվարի 30-ին գլխավոր քարտուղարը նախագահելու է բարձր մակարդակի միջազգային կոնֆերանսը, որը հայտարարելու է Սիրիայում մարդասիրական գործունեության ներդրումների մասին»,-հայտարարել է Նեսիրկեն:
Նրա խոսքերով` գլխավոր քարտուղարը հույս ունի, որ Պարսից Ծոցի արաբական երկրների կազմակերպած ֆորումը թույլ կտա լուծել միջոցների սղության խնդիրը:
ՄԱԿ-ի տվյալների համաձայն` Սիրիայում ավելի քան 3 միլիոն մարդ ունի դեղորայքի և սննդի կարիք: Պան Գի Մունը բազմիցս նախազգուշացրել է, որ Սիրիայում մարդասիրական գործողությունների համար հիմնադրամը բավարար չափով չի ֆինանսավորվում: ՄԱԿ-ի գնահատմամբ` 2013թ. առաջին կեսի համար կպահանջվի ավելի քան 1.5 միլիարդ դոլար Սիրիայի բնակչության մարդասիրական կարիքները բավարարելու համար:
