2001 թվականի աշնանը գերմանական «Էներգի Կոտբուս» ֆուտբոլային ակումբի նախագահը խիստ քննադատության արժանացավ Գերմանիայի ընտրանու երիտասարդ ֆուտբոլիստների հասցեին հնչեցրած անզգույշ արտահայտությունների համար:
Աշխարհի 2002 թվականի առաջնության ընտրական փուլում Գերմանիան հուսահատության է մատնել իր երկրպագուներին՝ չկարողանալով առաջատարի դրիք զբաղեցնել իր խմբում:
Այդ ժամանակ Էդուարդ Գեյերը հայտարարեց.
«Որոշ խաղացողներ ունեն նույն մարզավիճակը, ինչ Սանկտ-Պաուլիի մարմնավաճառները: Միայն կարողանում են խմել, ծխել, սեքսով զբաղվել և քնել առավոտյան 6-ին»:
Նման արտահայտությանն անմիջապես աձրագանքել են մարմնավաճառները՝ հայտարարելով, որ Գեյերն իրավունք չուներ «խղճուկ» ֆուտբոլիստներին համեմատել իրենց հետ:
«Եթե Գեյերի ֆուտբոլիստներն ունենային նույն մարզավիճակը, ինչ մարմնավաճառները, ապա միայն առաջատար դիրքեր կգրավեին»,- նշել է Կալե Շվենսեն՝ համապատասխան մասնագիտության արհմիության առաջատարը:
Օրերս Գեյերի գլխավորած թիմը մեկնել էր Սանկտ-Պաուլի՝ տեղի թիմի հետ մրցելու: Դաշտի տերերը վրեժխնդիր եղան Գեյերից՝ հաղթանակ տանելով 4:0 հաշվով:
