Պատահար խաչմերուկում
Մարտի 30-ին ոստիկանության Շենգավիթի բաժնում հաղորդում է ստացվել, որ ժամը 02.30-ին «Նիսան Տիանա» մակնիշի ավտոմեքենան Արշակունյաց պողոտայի և Բագրատունյաց փողոցի խաչմերուկում բախվել է ճանապարհի եզրաքարին, ինչի հետևանքով վարորդը և ուղևորը վնասվածքներով տեղափոխվել են հիվանդանոց:
Կատարվում է քննություն:
Աբովյան–Արզնի ճանապարհին
Մարտի 29-ին ոստիկանության Կոտայքի բաժնում հաղորդում է ստացվել, որ ժամը 15.30-ին «ԶԻԼ» մակնիշի ավտոմեքենան Աբովյան–Արզնի ճանապարհի 3.5 կմ–ին բախվել է «Աուդի-100» մակնիշի ավտոմեքենայի, ինչի հետևանքով «Աուդի-100»-ի ուղևորը վնասվածքներով տեղափոխվել է հիվանդանոց:
Կատարվում է քննություն:
Շրջվել է
Մարտի 29-ին ոստիկանության Գյումրիի բաժնում հաղորդում է ստացվել, որ ժամը 21.30-ի սահմաններում «Ֆոլքսվագեն–Գոլֆ» մակնիշի ավտոմեքենան Երևան–Գյումրի ճանապարհի 80-րդ կմ–ին շրջվել է, ինչի հետևանքով ուղևորը վնասվածքներով տեղափոխվել է հիվանդանոց:
Կատարվում է քննություն:
Մեքենաները բախվել են
Մարտի 29-ին ոստիկանության Արաբկիրի բաժնում հաղորդում է ստացվել, որ նախորդ օրը՝ ժամը 19.00-ին, «Շևրոլետ Ավեո» մակնիշի ավտոմեքենան բախվել է «Գոլդեն–Պալլաս» հյուրանոցային համալիրի մոտ կայանված «ՄԱԶ» մակնիշի բեռնատարին, որից հետո «Շևրոլետ Ավեո»-ին է բախվել «Ֆոլքսվագեն–Վենտո» մակնիշի ավտոմեքենա:
Պատահարի հետևանքով «Շևրոլետ Ավեո»-ի 2 ուղևորները վնասվածքներով տեղափոխվել են հիվանդանոց:
Կատարվում է քննություն:
* * *
Մարտի 29-ին–ին ոստիկանության Կենտրոնականի բաժնում հաղորդում է ստացվել, որ ժամը 18.30-ին Մ. Հերացու փողոցում գտնվող ստորգետնյա ճանապարհին իրար են բախվել «ՎԱԶ-21099» և «ՎԱԶ-21015» մակնիշի ավտոմեքենաներ:
Պատահարի հետևանքով երկու ավտոմեքենաների վարորդներն ու ութ ուղևորներ վնասվածքներով տեղափոխվել են հիվանդանոց:
Կատարվում է քննություն:
Հայտնաբերվել է
Մարտի 29-ին՝ ժամը 12.00-ին, ոստիկանության Վաղարշապատի բաժնի ծառայողները Էջմիածին քաղաքի Մաշտոցի փողոցի թիվ 10 շենքի մոտից բերման են ենթարկել 28-ամյա Գրիգոր Հ.-ին, որը ս/թ փետրվարի 9-ից հետախուզվում էր մարդուն առևանգելու մեղադրանքով:
Գրիգոր Հ.-ն կալանավորված է:
Զենք-զինամթերք
Մարտի 29-ին՝ ժամը 14.10-ին, մի քաղաքացի զանգահարել է ոստիկանության Չարբախի բաժանմունք և հայտնել, որ ինքը կենտրոնական զինհավաքակայանի մոտ` կամրջի սյան տակ, զինամթերք է թողել:
Մեկնած օպերատիվ խումբը նշված վայրում հայտնաբերել է «ՏՕԶ-18» տիպի 5,6 մմ տրամաչափի հրացան` դատարկ պահունակով, ինքնաձիգի 5,45 մմ տրամաչափի` 26, 7,62 մմ տրամաչափի` 29, «Կարաբին» հրացանի 7,62 մմ տրամաչափի 17 փամփուշտ, 1 ական և 1 պայթուցիչ:
Հայտնաբերվածն ուղարկվել է փորձաքննության:
Կատարվում է հետաքննություն:
* * *
Մարտի 29-ին՝ ժամը 12.00-ին, մի քաղաքացի զանգահարել է ոստիկանության Շենգավիթի բաժին և հայտնել, որ գաջի գործարան տանող ճանապարհին, կենտրոնական գերեզմանոցի պատի տակ, պոլիէթիլենային տոպրակի մեջ ինքնաձիգ է թողնում:
Մեկնած օպերատիվ խումբը նշված վայրում հայտնաբերել է «ԱԿ-74» ինքնաձիգ՝ պահունակով, և տարբեր տրամաչափի 82 փամփուշտ:
Հայտնաբերվածն ուղարկվել է փորձաքննության:
Կատարվում է հետաքննություն:
* * *
Մարտի 29-ին՝ ժամը 12.00-ին, 41-ամյա Սիմոն Գ.-ն ներկայացել է ոստիկանության Մարտունու բաժին և հանձնել ինքնաձիգի 5,45 մմ տրամաչափի` 51, 7,62 մմ տրամաչափի` 42, 7,62 մմ տրամաչափի գնդացրի` 11 և խոշոր տրամաչափի 2 փամփուշտ:
Զինամթերքն ուղարկվել է փորձաքննության:
* * *
Մարտի 29-ին՝ ժամը 21.35-ին, մի քաղաքացի զանգահարել է Երևան քաղաքի վարչության հերթապահ մաս և հայտնել, որ Մալաթիայի «Հայորդաց տուն» տանող ճանապարհի մոտ ատրճանակ է թողնում:
Մեկնած օպերատիվ խումբը նշված վայրում հայտնաբերել է կոռոզիայի ենթարկված ինքնաշեն թմբուկավոր ատրճանակ` առանց փամփուշտների:
Հայտնաբերվածն ուղարկվել է փորձաքննության:
Կատարվում է հետաքննութուն:
* * *
Մարտի 29-ին, ժամը 20.15-ին, մի քաղաքացի զանգահարել է ոստիկանության Արարատի բաժին և հայտնել, որ զենք-զինամթերք է թողնում Կոմիտասի փողոցի սկզբնամասում գտնվող աղբանոցի պատի տակ:
Մեկնած օպերատիվ խումբը նշված վայրում հայտնաբերել է «Կարաբին» հրացան, 7,62 մմ տրամաչափի 254 և խոշոր տրամաչափի 7 փամփուշտ:
Հայտնաբերվածն ուղարկվել է փորձաքննության:
Կատարվում է հետաքննություն: