Ռուսական Ria Novosti լրատվական գործակալության փոխանցմամբ՝ Ռուսաստանի գլխավոր պետական սանիտար Գենադի Օնիշչենկոն հայտարարել է, որ ամանորյա տոներից հետո հանդիպելու է գինի արտադրող վրացական ընկերությունների ներկայացուցիչների հետ:
Նա ընդգծել է, որ բանակցություններ է վարելու Վրաստանի գինեգործների ասոցիացիայի հետ. «Մենք նաև պատրաստ ենք մեր փորձագետներին ուղարկել, որպեսզի նրանք տեղում պարզեն որակը: Դրանից հետո տեղի կունենա ռուսական շուկայում վրացական ալկոհոլային արտադրանքի գրանցման գործընթացը և կթույլատրվի մատակարարման գործընթացը»:
Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչն իր հերթին հայտարարել է, որ իրենք վրացական գինու և հանքային ջրի վերադարձի համար որևէ խոչընդոտ չեն տեսնում:
Հիշեցնենք, որ Ռուսաստանը վրացական գինու ու հանքային ջրի ներկրման վրա արգելք էր դրել 2006 թվականի գարնանը:
