Բնապահպանական վճարների գծով այս տարվա 9 ամիսներին, նախորդ տարվա նույն ժամանակաշրջանի համեմատ, մուտքերը աճել են 5.7%-ով, բնօգտագործման վճարների գծով՝ 30.6%-ով: Այսօր կառավարության նիստում բնապահպանության նախարար Արամ Հարությունյանը զեկուցեց, որ բնության հատուկ պահպանվող տարածքներում 2012 թվականի 9 ամիսների ընթացքում, 2011-ի նույն ժամանակաշրջանի համեմատ, հասույթի աճը կազմել է 8.5 %, շրջակա միջավայրի աղտոտման, այդ թվում` օդի աղտոտման դեմ պայքարի և թափոնների ուսումնասիրության աշխատանքների արդյունքում 2011թ. 9 ամսվա հասույթը աճել է 11.5 %-ի, «Բնապահպանական փորձաքննություն» ՊՈԱԿ-ի աճը՝ 9.2 %, և այլն:
Օդային ավազան վնասակար նյութերի արտանետումների 60%-ով նվազումը, ըստ նախարարի, պայմանավորված է «Արմենիան Քափր Փրոգրամ» ՓԲԸ իրականացրած բնապահպանական միջոցառումներով:
ՊԵԿ փոխնախագահ Արմեն Ալավերդյանը նկատեց, որ բնապահպանությունը չի հասել անցած տարվա չափին, և տարվա արդյունքներով կկրկնեն 2011-ի արդյունքը: Սակայն Ա. Ալավերդյանը հայտարարեց, որ ՊՈԱԿ-ներում ակնկալվող տնտեսական աճին համարժեք աճ չի ապահովվել:
