ԱՄՆ-ի 20 խոշոր քաղաքներում 2012 թ. հոկտեմբերին բնակարանների գների աճը, S&P/Case-Shiller ինդեքսի տվյալներով, տարեկան կտրվածքով կազմել է 4,31 %:
Bloomberg գործակալության կողմից հարցված վերլուծաբանները կանխատեսել են անշարժ գույքի արժեքի 4 % աճ։ Այս մասին տեղեկացնում է Финмаркет-ը:
Հոկտեմբերին բնակարանների արժեքն անցած տարվա համեմատ աճել է 0,66 %-ով այն դեպքում, երբ փորձագետները կանխատեսել էին 0,48 % աճ:
Հիշեցնենք նաև, որ ԱՄՆ-ում մեկ տարի է, ինչ նկատվում է անշարժ գույքի գների աճ: 2012 թ. նոյեմբերին անցած տարվա համեմատ գներն աճել են 0,6 %-ով: Տների միջին արժեքը կազմել է 156,2 հազար դոլար:
Անցած տարվա նոյեմբերի համեմատ տների գինը բարձրացել է 5,2 %-ով, որը գնաճի ամենաբարձր ցուցանիշն է 2006-ից ի վեր, երբ գները բարձրացան 6 %-ով:
