Դանիայի գյուղատնտեսության նախարար Դեն Յորգենսենը հայտարարել է, որ ժամանակն է երկրում արգելել սեքսը կենդանիների հետ: Այս մասին հայտնում է The Local-ը:
«Ես որոշել եմ, որ մենք պետք է արգելենք անասնապղծությունը: Դրա համար մի քանի պատճառ կա: Դրանցից ամենագլխավորն այն է, որ դեպքերի ճնշող մեծամասնության պարագայում դա բռնություն է կենդանիների նկատմամբ: Նրանք չեն կարող ասել «ոչ», ուստի այդ պրակտիկան պետք է արգելվի»,- հայտարարել է նա:
Յորգենսենի խոսքով՝ արգելքի բացակայությունը մեծ վնաս է հասցնում երկրի համբավին: Հարևան երկրներում անասնապղծությունը հայտարարվել է օրենքից դուրս: Մասնավորապես, անցած տարվա ապրիլին կենդանիների հետ սեքսն արգելվել է Շվեդիայում, 2011թ.՝ Նորվեգիայում, ավելի վաղ՝ Գերմանիայում:
Խորհրդարանը ծրագրում է կենդանիների հետ սեքսի արգելքի մասին օրինագիծը քննարկել հաջորդ տարի:
