Հունաստանը Թուրքիային մեղադրել է Կիպրոսի հետ լարվածության սրման և կիպրական կարգավորման շուրջ բանակցությունների ձախողման մեջ։
Կիպրոսի նախագահ Նիկոս Անաստասիադիսը կիպրական կարգավորման բանակցություններն ընդհատել է այն պատճառով, որ թուրքական հետախուզական նավերը երկու ռազմանավերի ուղեկցությամբ սկսել են օգտակար հանածոների հետախուզումը Կիպրոսի բացառիկ տնտեսական գոտում։ Այստեղ, Կիպրոսի կառավարության հետ համաձայնությամբ, արդեն, աշխատում են իտալական և հարավկորեական ընկերություններ։ Անաստասիադիսը Անկարայի գործողությունները անվանել է Կիպրոսի սուվերեն իրավունքների աղաղակող խախտում։
«Թուրքիան, ցավոք, հրաժարվում է ճանաչել, որ Կիպրոսի Հանրապետությունը անկախ և ինքնիշխան պետություն է, ՄԱԿ-ի և Եվրոպական միության անդամ, որն ունի միջազգային իրավունքներին համապատասխանող ինքնիշխանություն և ինքնիշխան իրավունքներ։ Այդ իրավունքները վերաբերում են, ինչպես դա նախատեսված է ծովային իրավունքով, ծովային գոտիներին և հատկապես բացառիկ տնտեսական գոտուն ու մայրցամաքային ծանծաղուտին»,- ասվում է հաղորդագրությունում։
Ինչպես ասվում է փաստաթղթում, Թուրքիան սպառնում է այդ սուվերեն իրավունքներին։
