Հռոմի Պապ Բենեդիկտոս 16-րդը այսօր երեկոյան՝ Ծննդյան տոնի նախօրեին վառել է «խաղաղության մոմը», որը խորհրդանշում է ամբողջ աշխարհում խաղաղություն և բարեկեցություն: Հավատացյալները, ովքեր հավաքվել էին Վատիկանում այդ արարողությունն ընդունել են բուռն ծափահարություններով:
Բոլոր կաթոլիկները Սուրբ Պետրոս տաճարում անհամբերությամբ սպասում են Պապի կողմից Ծննդյան կարգի մատուցմանը:
Ավելի վաղ կայացել էր Հիսուս Քրիստոսի ծննդյան հետ կապված տեսարանի բացման արարողությունը։ Հրապարակում կանգնեցվել է 24 մետր բարձրությամբ տոնածառ, որի լույսերը վառվել են դեկտեմբերի 14-ին:
Քրիստոսի ծնունդը Արևմուտքում նշում են դեկտեմբերի 25-ին: Ռուսական, սերբական եկեղեցիները չեն անցել Գեորգյան օրացույցին, և դա է պատճառը, որ Սուրբ Ծնունդը նշում են հունվարի 7-ին:
Հիսուսի ծնունդը դեկտեմբերի 25-ին նշելու հստակ պատճառը հայտնի չէ: Վարկածներից մեկի համաձայն՝ այդ ընտրությունը կապված է այն բանի հետ, որ քրիստոնյաները նախկինում մարտի 25-ին նշում էին Ավետիսի տոնը, որին էլ գումարելով 9 ամիս՝ ստանում էին Քրիստոսի ծննդյան օրը: Մյուս վարկածի համաձայն՝ քրիստոնեական ամենահայտնի տոներից մեկը փոխարինվել է ձմեռային արևադարձով, որը բոլոր հեթանոսները նշել են որպես արևի աստծու ծննդյան պահ:
