Հորդանանի իշխանությունները երկրի տարածք մուտք գործել թույլ չեն տվել պաղեստինցի 40 փախստական ընտանիքի: Անցյալ շաբաթ նրանք հեռացել են Դամասկոսի մոտ գտնվող Յառմուկ ճամբարից: Նման իրավիճակն առաջին անգամ չէ:
Հորդանանյան աղբյուրները հաղորդում են, որ փախստականները դեռևս սահմանին են: Հորդանանի սահմանապահները նրանց թույլ չեն տվել երկիր մուտք գործել փաստաթղթերի բացակայության պատճառով:
Հորդանանի վարչապետն այս առթիվ հանդես է եկել հայտարարությամբ, որի ժամանակ ասել է, որ իր երկիրը ոչ մի պաղեստինցի փախստականի չի ընդունելու: Նա ընդգծել է, որ Հորդանանը թույլ չի տա պաղեստինցի փախստականների խնդիրը լուծել ի հաշիվ Հորդանանի Հաշիմյան թագավորության: Կառավարության ղեկավարը նաև նշել է, որ իր երկիրը չի լուծի հրեական խնդիրը Հորդանանի ուժերի հաշվին` հավելելով, որ դա դրական դերակատարում չի ունենա պաղեստինցիների համար:
Վերջին շաբաթներին Ասադի ուժերը գրոհներ են իրականացնում պաղեստինցի փախստականների Յարմուրկ ճամբարի վրա: Այս ընթացքում հարյուրավոր պաղեստինցիներ են զոհվել, տասնյակ հազարավոր մարդիկ լքել են ճամբարը՝ առավել անվտանգ տեղ փնտրելով: Սիրիական իշխանությունները ճամբարի վրա իրականացված հարձակումները պատճառաբանում են այնտեղ զինված ընդդիմադիրների ներկայությամբ: