Մոլդովայում առաջին անգամ դատավճիռ է կայացվել, որը որպես պատիժ նախատեսում է քիմիական ամորձատում: Այս մասին հայտնում է Publika.md-ը: Այսպիսի պատժի է դատապարտվել անչափահասի բռնաբարած մանակպիղծը:
Հանցագործությունը, որի մասին խոսվում է, կատարվել է 2012-ի ամռանը: Հանցագործը 50-ամյա տղամարդ է, որը 8-ամյա խորթ աղջկան:
Դատարանը նրան բացի քիմիական ամորձատումից՝ դատապարտել է նաև 19 տարվա ազատազրկման: Դատապարտյալը չի խոստովանել իր մեղքը: Նա իրավունք ունի բողոքարկել վճիռը:
Եթե դատարանի վճիռն ուժի մեջ մնա, նշվում է, որ քիմիական ամորձատումը կարվի նախքան հանցագործի ազատ արձակվելը:
Քիմիական ամորձատումը (դեղամիջոցների ընդունում, որոնք նվազեցնում են լիբիդոն ու բացառում սեռական ակտի իրականացումը) մի շարք երկրներում կիրառվում է որպես պատժամիջոց:
Մոլդովայում այս պատժաձևն ընդունվել է մարտին: Ավելի ուշ նախագահ Նիկոլաե Տիմոֆտին հրաժարվել էր ստորագրել այն՝ համարելով, որ այդպիսի օրենքը խախտում է մարդու իրավունքներն ու հակասում սահմանադրությանը: Սական պատգամավորները փաստաթուղթը կրկնակի են ընդունել, ինչից հետո պետության ղեկավարը պարտավորվել է ստորագրել այն: