Եվրոպական հանձնաժողովը երկուշաբթի օրը նոր ծրագիր է ընդունել, որը նախատեսում է ԵՄ երկրների և «Արևելյան գործընկերության» համագործակցություն՝ ոստիկանական ծառայությունների ոլորտում։ Այս մասին ասվում է Ադրբեջանում ԵՄ ներկայացուցչության հայտարարության մեջ:
Այս ծրագիրը կաջակցի ԵՄ երկրների և «Արևելյան գործընկերության» երկրների միջև, ինչպես նաև «Արևելյան գործընկերության» անդամ պետությունների միջև համագործակցությանը՝ միջսահմանային հանցագործությունների դեմ պայքարելու գործում:
«Այսպիսով ԵՄ-ն կաջակցի տարածաշրջանում օրենքի իշխանության ամրապնդմանը»,- ասվում է հայտարարության մեջ:
Ընդունված ծրագրի շրջանակներում կիրականացվեն մի շարք միջոցառումներ: Կկազմակերպվեն հանդիպումներ և ուսուցողական դասընթացներ, ճանաչողական ուղևորություններ, փոխանակման ծրագրեր:
Ծրագրի ընդհանուր բյուջեն նախատեսված է հինգ տարվա համար և կազմում է հինգ միլիոն եվրո:
