Գեղարքունիքի մարզի Դարանակ գյուղում գյուղապետ ընտրված հանրապետական Վահան Մարգարյանը մեզ հետ զրույցում նշեց, որ վերջնական արդյունքներով ինքն է ընտրվել և արտահերթ ընտրություններ ացկացնելու անհրաժեշտություն չկա։
Հիշեցնենք, որ հակառակ կողմը` նախկին գյուղապետ, կրկին հանրապետական Վլադիմիր Սարկիսյանը երեկ բողոքարկել է ընտրությունները` պատճառաբանելով, որ ընտրողները ընտրել են ֆլոմաստերներով և գունավոր գրիչներով։ Նաև փաստում է, որ Վահան Մարգարյանին հովանավորող ԱԺ հանրապետական պատգամավոր Սպարտակ Մելիքյանը մեկ ձայնի դիմաց մինչև 50 հազար դրամի ընտրակաշառք է բաժանել։
«Գումարներ չեն բաժանվել, դա ամբողջությամբ սուտ է։ Իսկ եթե դրա համար ընտրությունները բողոքարկել են, ես էլ կարող եմ դատի տալ։ Պարզապես ես բողոքելու սովորություն չունեմ։ Սակայն կարող եմ չէ՞ ինձ զրպարտելու համար բողոքարկել»,- նկատեց Վահան Մարգարյանը։
Մեր այն հարցին, թե «Հանրապետական» կուսակցության, Սերժ Սարգսյանի կողմից շնորհավորանք ստացե՞լ է գյուղապետ ընտրվելու կապակցությամբ` պատասխանեց. «Ոչ, չեմ ստացել»։