Օրհան Փամուքի նման գործիչների համար իրենց պետության հզորացումն է առաջնային խնդիրը, բայց դա էլ չի գնահատվում Թուրքիայի պետության կողմից, ինչպես օրինակ` Հրանտ Դինքի վերաբերմունքը, չնայած նաև շահագրգռված է հայ-թուրքական հարաբերությունների ակտիվացմամբ։
Այս մասին մեզ հետ զրույցում նշեց Հայ դատի գրասենյակի արտաքին հարցերի պատասխանատու Կիրո Մանոյանը։
Հիշեցնենք, որ թուրքական դատարանը Օրհան Փամուքին մեղավոր է ճանաչել և 4 հազար դոլարի տուգանք սահմանել իր ստեղծագործություններում թուրք ժողովրդին վիրավորելու համար։
Իսկ թե Օրհան Փամուքի նման գործիչների գործունեությունը որքանով կնպաստի Ցեղասպանության ճանաչմանը և հայ-թուրքական հարաբերությունների ակտիվացմանը` Կիրո Մանոյանն ասաց.
«Ինքը Թուրքիայի պետական քաղաքականության դրսևորում է, ընդհանրապես իրենց անցյալի, մեր հասարակաց անցյալի, ինչպես նաև առաջիկա հայ-թուրքական հարաբերությունների մասով և ընդամենը արտահայտությունը լինելով` ինքը ազդեցություն չի ունենա։ Բայց դրսևորումը իր վերաբերմունքին անհանդուրժողականություն բառով պետք է բնորոշել»։
