ՌԴ Լենինգրադի մարզի Վիբորգի շրջանի Ֆինլանդիայի սահմանի մոտ մաքսային անցակետում հադիպել են Ձմեռ Պապն ու ֆիննական Յոլուպուկկին։ Հաղորդում է ИТАР-ТАСС-ը։ Համաձայն հանդիպման կանոնակարգի՝ յուրաքանչյուրը պետք է ժամաներ սեփական տրանսպորտային միջոցով՝ Ձմեռ Պապը ձիասահնակով, ֆիննական գործընկերը՝ եղջերուների սահնակով։
Սակայն մաքսային աշխատակիցները չեն թույլատրել տրանսպորտով մտնել, որի համար երկու ձմեռային հրաշագործները հանդիպել են՝ ոտքով ընդառաջ գնալով միմյանց։
Նրանք նվերներ են փոխանակել։ Ֆիննը Ձմեռ Պապին նանոծածկույթով դահուկներ է նվիրել, իսկ վերջինս Յոլուպուկկիին՝ USB-ձեռնոցներ։ Որից հետո միայն գնացել են Վիբորգ՝ վառելու ամանորյա մոմերը՝ ռուսական եղևնու և ֆիննական Լապպեենրանտայի։
