Փարիզի Շանտիլյի արվարձանում կայացել է «Թալիբան» ծայրահեղական շարժման քաղաքական գրասենյակի ներկայացուցիչների հանդիպումը Աֆղանստանի քաղաքական կուսակցությունների և կառավարության ներկայացուցիչների հետ: «Տոլո» հեռուստաալիքի փոխանցմամբ` «տեղեկատվական հանդիպման» ընթացքում կողմերն ընդհանուր հայացքներ են ունեցել աֆղանական հակամարտության կարգավորման շուրջ:
Հանդիպման որոշ մանրամասներ արտահոսել են մամուլ, չնայած այն անցկացվել է փակ դռների հետևում: Ինչպես հաղորդում է RIA Novosti-ն, թալիբների ներկայացուցիչ Մաուլավի Շահաբուդդին Դելավարը հանդիպմանը կարդացել է շարժման ղեկավարության հայտարարությունը, որի համաձայն՝ Աֆղանստանի սահմանադրությունում պետք է հաշվի առնվեն բոլոր քաղաքացիների քաղաքացիական, անձնական և քաղաքական իրավունքները:
Հայտարարության մեջ նաև նշվել է, որ սահմանադրությունը պետք է արդարացիորեն երաշխավորի բոլոր էթնիկ խմբերի իրավունքները և պարզաբանի կառավարության և քաղաքացիների միջև փոխհարաբերությունների բնույթը:
Թալիբները պահանջել են խաղաղ երկխոսությունում իրենց անարգել մասնակցությունը և զորքերի լիակատար դուրս բերում Աֆղանստանից:
Միևնույն ժամանակ շարժման ներկայացուցիչները Քաբուլի իշխանություններին և միջազգային հանրությանը մեղադրել են այն բանում, որ նրանք նախընտրում են աֆղանական համակամարտության լուծման ռազմական, այլ ոչ թե խաղաղ լուծումը: