Ֆրանսիայի նախկին առաջին տիկինը`Ֆրանսուա Սարկոզիի կինը` Կարլա Բրունին, անզուգական է ամեն ինչում` սկսած քաղաքական ընդունելություններ կազմակերպելուց, վերջացրած լուսանկարահանումների ֆոտոշարքին մասնակցելուց, գրում է Spletnik-ը:
Հիմա էլ հայտնի է դարձել, որ Կարլան որոշել է ուժերը փորձել ֆրանսիական Vogue ամսագրի խմբագրի դերում, ճիշտ է` առայժմ հրավիրյալի կարգավիճակով: Նա մասնակցել է ամսագրի ամանորյա թողարկմանը:
Սակայն հարցազրույցի ժամանակ Կարլան խոստովանել է, որ «իր սերնդին ֆեմինիզմ պետք չէ»: Այս արտահայտությունը մեծ աղմուկ է բարձրացրել, և տիկին Բրունին ստիպված է եղել բացատրություններ տալ. «Այդ արտահայտությունն անքաղաքավարի ստացվեց: Այն վատ է արտահայտում իմ մտքերը: Այդ խոսքերը կարելի է այսպես մեկնաբանել` ես անձամբ չէի ցանկանա ֆեմինիստական շարժման մասնակից լինել: Ես կարող եմ ինձ ֆեմինիստուհի համարել, եթե այն ենթադրում է ազատության պահանջ, սակայն ինձ նրանց թվին պատկանող չեմ համարում, եթե այն պայքար է ներառում»:
